14, డిసెంబర్ 2009, సోమవారం

లేడిని చూసి సింహం పారి పోయిన కథ !!



మన కవులు భాషను క్రీడా రంగంగా చేసుకుని ఎన్ని చక్కని ఆటలు ఆడుకున్నారో గమనిస్తే చాలా సరదాగా ఉంటుంది ..
క్రింది శ్లోకాన్ని పరికించండి ...


కస్తూరీ జాయతే తస్మాత్ ? కో హన్తి కరిణామ్ శతమ్ ?
కిం కుర్యాత్ కౌతరో యుద్ధే ? మృగాత్ సింహ: పలాయతే.

లేడిని చూసి సింహం పారిపోతోందని కవి గారి ఉవాచ !!

పోదురూ, మరీ బడాయి కాక పోతేనూ !

ఇప్పుడు కవి గారి అసలు ఉద్దేశ్యాన్ని వివరిస్తాను. చూడండి ...

చరణాల వారీగా ఇలా చెప్పు కుందాం...
కస్తూరి దేని నుండి పుడుతుంది ? ... మృగాత్ = మృగం నుండి
అనేక ఏనుగులను చంపేది ఏది ? .... సింహం
పిరికిపంద యుద్ధంలో ఏం చేస్తాడు ? ....పలాయతే ... పారి పోతాడు!

శ్లోకంలోని మూడు ప్రశ్నలకీ వరుసగా చివరి పాదంలోని మృగాత్ సింహ:, పలాయతే అనే వాటిని జవాబులుగా చెప్పుకుంటే మరే అసంగతమూ ఉండదులేడిని చూసి సింహం పరిగెత్తడమూ ఉండదు!
క్రమాలంకారంతో కవి గారు సాధించిన చమత్కారం యిది !
బాగుంది కదూ ? ...

2 కామెంట్‌లు:

జ్యోతి చెప్పారు...

రావుగారు

బరహాలో ఇలా రాయండి..Ru - ృ

మరికొన్ని చిట్కాలకు చూడండి.. http://telugublogtutorial.blogspot.com/2009/09/blog-post_2721.html

మీరు ఫాంట్ సైజ్ కొంచెం తగ్గిస్తారా???

చింతా రామకృష్ణారావు. చెప్పారు...

చింతా రామ కృష్ణా రావు
ciMtaa raama kRuShNA raavu
పైనతెలుగులో నున్న్దానిలో వట్రసుడి గల పదం ఆంగ్లంలో ఎలా గుందో గమనించి అనుసరిస్తే
మృగాత్ అనేది సులభంగా వ్రాయగలరు.

కామెంట్‌ను పోస్ట్ చేయండి