బావా బావా పన్నీరు ! బావని పట్టుకు తన్నేరు !!

ఓ మరదలు పిల్ల చదువు కున్నదే కాక, కవిత్వం కూడా చెబుతుంది. బావ గారు సాహిత్య గంధ శూన్యులు. నామీద కవిత్వం చెప్పవూ ? అని మరదలుని బ్రతిమలాడేడు. బావ గారి ముచ్చట తీర్చడం కోసం ఆ కొంటె పిల్ల ఏం చెప్పిందంటే ...

అందమున చూడ రాము బంటైన వాడు

నాగరికతను జము వాహనమునకీడు

శుచికి హేమాక్షుఁజంపిన శూరు జోదు

వసుధలో లేడు మా బావ వంటి వాడు !!

మా బావ అందంలో రామ బంటుతొ సమానం. ( కోతి)

నాగరికతలో యముని వాహనంతో సమానం ( దున్న పోతు)

శుభ్రతలో హిరణ్యాక్షుని చంపిన వాడితో సమానం ( వరాహావతారం. పంది)

మా బావలాంటి వాడు లోకం లోనే లేడు !

మరదలు చెప్పిన పద్యం విని ఆ బావ గారు మురిసి పోయి ఉంటారు ...