నీది కానిది నీకేమి ఇవ్వ గలను తల్లీ !

ప్రదీపజ్వాలాభి ర్దివసకర నీరాజనవిధి

స్సుధాసూతే శ్చంద్రోపలజలలవై రర్ఘ్యరచనా

స్వకీయై రంభోభి స్సలిలనిధి సౌహిత్యకరణం

త్వదీయాభి ర్వాగ్భి స్తవ జనని వాచాం స్తుతిరియమ్

(శంకర భగవత్పాదులు -సౌందర్యలహరి)

అమ్మా, పలుకుల తల్లీ ! ఈ మాటలు నీవేనమ్మా ! నీవొసగిన ఈ పలుకులతోనే నిన్ను స్తోత్రం చేస్తున్నాను.

ఇదెలాగ ఉన్నదంటే,

దీపంతో సూర్యునికి హారతి ఇస్తున్నట్టగా ఉంది.

చలువల రేనికి చంద్రకాంతశిలల నీటితో అర్ఘ్యం ఇస్తున్నట్టుగా ఉంది.

అందలి జలాల తోనే సాగరునికి తర్పణ ఇస్తున్నట్టుగా ఉంది.

నీది కానిది నీకేమి ఇవ్వగలను తల్లీ !