గోరంత మేలు - కొండంత కృతఙ్ఞత

ప్రథమవయసి పీతం తోయ మల్పం స్మరంత:

శిరసి నిహితభారా నారికేళా నరాణాం,

సలిల మమృతకల్పం దద్యు రాజీవితాతం

నహి కృత ముపకారం సాధవో విస్మరంతి.

మంచి వారికి ఎంత చిన్న ఉపకారం చేసినా వారు దానిని తమ జీవితాంతం మరిచి పోరు.

కొబ్బరి చెట్టుని చూడండి, ఎప్పుడో చిఱుత ప్రాయంలో మనం పోసే కొద్దిపాటి నీటిని త్రాగి, ఆ మేలు మరి ఎప్పటకీ మరిచి పోదు. బరువైన కాయలను గుత్తులు గుత్తులుగా మోస్తూ, కలకాలం మనుషులకు తీయని నీటిని ఇస్తున్నది కదా !