చెప్తే వినడు కదా ?!

నా2ద్రవ్యే నిహితా కాచిత్, క్రియా ఫలవతీ భవేత్

న వ్యాపారశతేనాపి, శువత్ పాఠ్యతే బక:

అపాత్రుని యందు మనం ఎన్ని ప్రయత్నాలు చేసినా, అవి ఫలించవు.

కొంగను తెచ్చి, మాటలు నేర్పడానికి ఎంతగా ప్రయత్నించినా, అది చిలుక లాగా పలుక లేదు కదా !

అని దీని భావం. వినే వాడికి చెప్ప గలం. వినని వాడికీ ఎంతో కొంత శ్రమ మీద చెప్పగలం.

కానీ వింటూ కూడా విన నట్టుగా ఉండే వారికి ఎంత చెప్పినా తలకెక్కదు.

అఙ్ఞ: సుఖమారాధ్య:, సుఖతర మారాధ్యతే విశేషఙ్ఞ:

ఙ్ఞానలవ దుర్విదగ్ధం, బ్రహ్మాపి నరం నరంజయతి

అంటాడు భర్తృహరి, ఏమీ తెలియని వానిని సులభంగా ఒప్పించ వచ్చును. బాగా తెలిసిన వానినైతే ఇంకా సులభంగా ఒప్పించ వచ్చును. కానీ, ఙ్ఞానినై పోయానని మిట్టి పడే అల్పఙ్ఞానిని ఆ

బ్రహ్మ దేవుడు కూడా రంజింప చేయ లేడు కదా !