నిన్నటి దినం ఏవి ఉంటే ఏవి శోభిస్తాయో చూపాం. ఇవాళ ఏవి ఉంటే ఏవి అక్కర లేదో ఛూదాం...
అవి ఉంటే, ఇవి అక్కర లేదు
క్షాంతిశ్చేత్ కవచేన కిం కిమరిభి: క్రోధో2స్తి చేద్దేహినాం,
ఙ్ఞాతిశ్చే దనలేన కిం యది సుహృద్దివ్యౌషధై: కిం ఫలం,
కిం సర్పైర్యది దుర్జనా: కిము ధనైద్విద్యా2నవద్యా
వ్రీడా చేత్ కిము భూషణై: సుకవితా యద్యస్తి రాజ్యేన కిమ్ ?
ఏవి ఉంటే ఏవి అక్కర లేదో ఒక కవి ఈ శ్లోకంలో చక్కగా వివరించాడు.
చూడండి ...
ఓర్పు కల వానికి వేరే కవచం అక్కర లేదు.
( ఆ సహనమే అతనిని కాపాడుతుంది.)
కోపం కల వానికి వేరే శత్రువులెవరూ ఉండనక్కర లేదు.
( ఆ కోపమే అతడిని నాశనం చేస్తుంది.)
దాయాదులు ఉంటే వేరే అగ్ని అక్కర లేదు.
( ఆదాయాదులే మన కొంపకి
చిచ్చు పెడతారు.)
మంచి మిత్రులున్న వారికి వేరే గొప్ప ఔషధాలతో పని లేదు( వారే
మనని మంచి మార్గంలో నడిపిస్తారు. ఆరోగ్యకరమైన ఆలోచనలు అందిస్తారు)
దుష్టులు ఉండగా వేరే విష సర్పాలతో పనేముంది ?
( వాళ్ళే పాముల వంటి వారు)
మంచి విద్య ఉన్న వారికి వేరే గొప్ప నిధులు ఎందుకు ?
( విద్యా
ధనమే తరగని సంపద కదా)
లజ్జ కలిగిన వారికి వేరే ఆ భరణాలు ఎందుకు ?
( సిగ్గే
కదా చక్కని సింగారం?)
కవితా శక్తి కల వారికి వేరే రాజ్యమెందుకు ?
( రాజ్యభోగం
కన్నా కవితా శక్తి గొప్ప కీర్తిదాయకం కదా)
.
